1800-களில் இரண்டாம் லியோபோல்ட் பெல்ஜியத்தின் மன்னராக இருந்தார்.
பிரெஞ்சு புரட்சிக்குப் பிறகு, உலகெங்கிலும் உள்ள மன்னர்களுக்கு "காலம் மாறிக் கொண்டிருந்தது". அவர்கள் தங்கள் நிலங்களின் அதிகாரத்தையும் கட்டுப்பாட்டையும் மக்களால் தேர்ந்தெடுக்கப்பட்ட அரசியலமைப்பிடம் வேறு வழியின்றி ஒப்படைத்தனர். அதன் பிறகு வெறும் செல்வாக்கு மிக்க செல்வந்தர்களாக மட்டுமே (சில சந்தர்ப்பங்களில் மட்டும் வீட்டோ (Veto) அதிகாரத்துடன்) வலம் வந்தனர்.
பெல்ஜியத்திலும் அப்படி ஒரு ஜனநாயக மாற்றம் ஏற்பட்டதிற்கு பிறகு, லியோபோல்டின் தனிப்பட்ட கஜானாவில் பணம் பெரிதாக எதுவும் இல்லை, அரச அதிகாரமும் இல்லை. இதனால் அவர் நிம்மதியின்றியும் கோபத்துடனும் இருந்தார்.
அக்காலத்தில் ஐரோப்பிய மன்னர்களுக்கு கடல்வழி வர்த்தகம் தான் மிக முக்கியமான ஒன்றாக இருந்தது. தங்கள் கடற்படைகள் தொட்டுச்செல்லும் எல்லா நிலங்களுக்கும் அவர்கள் தங்கள் கட்டுப்பாட்டை விரிவுபடுத்தினர்.
இப்படி இங்கிலாந்து, பிரான்ஸ் மற்றும் பிற நாடுகளைச் சேர்ந்த அவரது அரச பரம்பரை உறவினர்கள் ஆப்பிரிக்க கண்டத்தை தங்களுக்குள் பங்கு போட்டு பிரித்துக் கொள்ளத்தொடங்கினர்.
இதைப்பற்றிய பிரிட்டானிக்கா (Brittanica) கலைக்களஞ்சியத்தின் ஒரு மேற்கோளை பார்ப்போம்:
"1870-இல் சஹாராவுக்கு தெற்கே உள்ள ஆப்பிரிக்காவின் 80 சதவீதத்திற்கும் அதிகமான பகுதி பூர்வகுடி தலைவர்கள் அல்லது மன்னர்களின் ஆட்சியின் கீழ் இருந்தது. நாற்பது ஆண்டுகளுக்குப் பிறகு, அது முழுவதும் ஐரோப்பிய காலனிகளாகவோ, பாதுகாக்கப்பட்ட நாடுகளாகவோ அல்லது வெள்ளை குடியேற்றவாசிகளால் ஆளப்படும் பகுதிகளாகவோ மாற்றப்பட்டது."
அவர்கள் இப்படி "ஆப்பிரிக்காவிற்கான பெரும் போட்டியில்" (Great Scramble for Africa) பரபரப்பாக வளம் கொழிப்பதை பார்க்க பார்க்க லியோபோல்ட்டின் பொறாமை கொழுந்துவிட்டு எரியத்தொடங்கியது.
தன்னைச் சுற்றியுள்ள அண்டை நாட்டு மன்னர்களும் உறவினர்களும் இப்படி ஆப்பிரிக்காவைச் சுரண்டி பெரும் செல்வந்தர்களாக மாறுவதைப் பார்த்த லியோபோல்ட், தானும் அந்த ஆட்டத்தில் இறங்க முடிவு செய்தார்.
ஆனால், அவரிடம் செல்வம் இல்லாதது மட்டுமின்றி வேறு சில குறைபாடுகளும் இருந்தன. அதில் தலையாயதாக இருந்த குறை என்ன தெரியுமா?
அவரது சிறிய நாட்டிற்கு கடற்படையோ அல்லது வர்த்தக கப்பற்படையோகூட கிடையாது!
என்ன செய்தார் லியோபோல்ட்?
தொடரும்.
என்ன செய்தார்?? தெரிந்து கொள்ள காத்திருக்கும் வாசகன் 😢
பதிலளிநீக்கு