பழங்கள் உருண்டு ஓடட்டுமே!

விதை விதைப்பது மரத்தின் வேலை இல்லை.

இலை உதிர்ப்பது மரத்தின் வேலை இல்லை.

பறவைகளுக்கு கூடு தருவது மரத்தின் வேலை இல்லை.

காய் கனி தருவது மரத்தின் வேலை இல்லை.

ஒதுங்க நிழல் தருவதும், கூரைக்கு மூலப்பொருள் தருவதும், குளிர் காய நெருப்பு தருவதும் மரத்தின் வேலை இல்லை.

மரத்தின் வேலை மரமாக இருப்பது மட்டுமே.

மற்றதெல்லாமே மனிதர்களது எதிர்பார்ப்பு மட்டுமே.

எதிர்பார்ப்பில்லா மரம் உயிர் வளர்க்கிறது.

ஏராளமான எதிர்பார்ப்புகள் வழி வாழும் மனிதர்கள் மனிதத்தை நசுக்குகிறோம்.

மனிதர்களின் வன்முறை மரங்களின் மீது மட்டுமல்ல, சக மனிதர்களின் மீதும்தான்.

எந்த மரமும் தனது விதைகள் தனக்கென மட்டுமே என வேலியிட்டு வளர்ப்பதில்லை. விதை மட்டுமல்ல, மரத்தின் சகலமும் அவ்வாறே.

The Apple never falls far from the (Apple) tree என்கிற சொற்றொடர், குழந்தைகள் பெற்றோர்களைப்போலவே இருப்பார்கள் என மகிழ்வாய் சொல்கிறது.

அதே குழந்தைகள் அவர்களது எதிர்பார்ப்பு எல்லைகளை உடைத்து வெளியேறினால், The Apple has fallen far from the tree என்கிற சொற்றொடரை வருத்தமாய் பயன்படுத்துகிறார்கள்.

தன்னை உயிர்ப்பித்த மரத்தின் நிழலில் வளரும் மரக்கன்றுகளின் வளர்ச்சியை உற்றுநோக்கினால்ஒரு எளிய உண்மையை உணரலாம்; அந்த மரக்கன்றுகள் போதிய வெளிச்சமும் காற்றோட்டமும் இன்றி வளர்ச்சி குன்றி நின்றபடியே நிற்கும், எத்தனை ஆண்டுகள் ஆனாலும், தலைக்கு மேலே உள்ள மரம் சாயும் வரை!

இதற்காகவா நாம் இத்தனை பாடுபட்டு நம் குழந்தைகளை நம் கண்ணருகே கைக்கெட்டும் தொலைவினுள்ளே அடைத்து நிற்கிறோம்.

Let the Apples roll really far off from the trees so that they can bloom their own orchards in full glory. How sad is that we tend to ignore the fact that wherever it blooms an Orchard, it would still be an Apple Orchard!

இதுவே ஒவ்வொரு பெற்றோரும் தம் குழந்தைகளுக்கு செய்யக்கூடிய மிகப்பெரிய நன்மை என நான் நினைக்கவில்லை, மரம் வாழ்ந்து காட்டுகிறது!!

நமது குழந்தைகளின் எதிர்கால நலனை முன்வைத்து ஏராளமான எதிர்பார்ப்புகளால் வார்க்கப்பட்ட நம் புதிய உலகின் கல்வித்திட்டங்கள்,

எதிர்பார்ப்பில்லாத கல்வி தரும் மரங்களிடம் கற்கவேண்டியது ஏராளம். வயது வந்தோர் கல்லி போல பெற்றோர்களும் ஒரு ஓரமாய் நின்று கற்போமே!

Let the fruits roll freely.

பேரன்புடன்,

பாபுஜி