ஜென்னிக்கு என்ன ஆச்சி?
அதுக்கப்புறம் ஆலிவருக்கு என்ன ஆச்சி?
லவ் ஸ்டோரி.
ஒரு நாட்டையே, ஒரு தலைமுறையையே காதல்வயப்படவைத்த புத்தகம்.
ஆலிவர், ஐஸ் ஹாக்கி ப்ளேயர். ஒரு கல்லூரியில் விளையாடச்சென்ற இடத்தில் ஜென்னியை பார்க்கிறான். பார்த்தவுடன் பற்றிக்கொள்கிறது பெருநெருப்பு.
அறிமுகம் செய்து உரையாடி விடைபெறும் முன்பு அடுத்தவாரம் அவளது கல்லூரிக்கு எதிரான போட்டியில் விளையாடப்போவதை கூறி அவளை போட்டி பார்க்க அழைக்கிறான்.
'எந்த'பக்கத்துக்கு ஆடப்போற?' என கலாய்க்கிறாள் ஜென்னி.
தாயிழந்த பெண். இத்தாலிய தந்தை, செல்ல மகள்.
ஆலிவரின் அப்பா வணிக காந்தம், அம்மா இல்லை, அப்பா இருந்தும் இல்லை என்பதாகவே அவனது உறவு.
அவர் எதிர்க்க, அந்த எதிர்ப்பை எதிர்த்து ஜென்னியின் கரம் பற்றுகிறான். தேனாய் இனிக்கும் தனிக்குடித்தனம்.
ஒரு நாள் அவளுக்கு உடல்நலம் குறைகிறது. மருத்துவர் ஆராய்ந்து சொல்வது, கேன்சர்; சொற்ப நாட்களே வாழ விதித்திருக்கிறது.
இந்த இளம் தம்பதி என்ன செய்கிறார்கள்? ஜென்னியின் தந்தை என்ன செய்கிறார்? ஆலிவரின் தந்தை, 'I won't even give you time of the day' என முழங்கியவர் ('சொத்து உறவு எதிலும் பங்கில்லை. ஒட்டுமில்லை, உறவுமில்லை' என்பதாக பொருள்) என்ன செய்கிறார்? ஜென்னியின் விடைபெறும் நாட்களை ஆலிவரும் ஜென்னியும் எப்படி எதிர்கொள்கிறார்கள்?
படித்துதான் பாருங்களேன்? நூற்று சொச்ச பக்கங்களே கொண்ட இந்த புத்தகத்தின் 'எடை' மிகப்பெரிது.
திரைப்படமாக வந்தபோது ஒரு தேசமே அந்த நாயகன் நாயகி மேல் காதலாச்சி. Bach இன் Symphony இசை அங்கங்கே ஒலிக்க, அந்தப்படம் 'வேற லெவலில்' கொண்டாடப்பட்டது.
Erich Segal, இந்தப்புத்தகத்தின் ஆசிரியர், ஜென்னி இல்லாத ஆலிவரின் உலகை பற்றி எழுதிய புத்தகம், இன்னொரு நாளில் வாசிப்போம் :-)
Love means never ever having to say You are Sorry; முயற்சியாவது செய்வோம், எவ்வளவு கடினமானாலும், எத்தனை காயங்கள் பட்டாலும், because, our life is worth living every second for that special "some one", period!
கருத்துகள்
கருத்துரையிடுக