சிறுவயது முதலே நல்ல சினிமாக்கள் மீதான எனது காதல், ஏதோ ஒரு சிற்றூரில் தொடங்கி ஊரழகு சினிமா முதல் இன்று உலக அழகு சினிமா வரை ரசிக்கும்போதும் மாறாதிருக்கிறது.
இந்த ரசனை பல நல்ல நட்புகளை அடையாளம் காட்டி, இன்றளவும் தொடரச்செய்கிறது ('ஹய்யோ, உனக்கும் அந்தப்படத்தில அந்த சீன் பிடிச்சிதா! வாவ்'!!). குறிப்பாக வெளி நாடுகளில் வாழ்கையிலும் மொழி, இன, புவி எல்லைகள் தாண்டிய ஒத்த அலைவரிசை (same wavelength) ரசனைகளை இணைத்து, நல்ல படங்கள் பார்க்க திட்டமிட்டு, நாள் குறித்து, நேரம் ஒதுக்கி, பார்த்து, அலசி...ஒரு happy state of mind உடன் பிரிந்து அடுத்த நல்ல படம் கேள்விப்பட்டதும் மீண்டும் திட்டமிட்டு...என.
நல்ல சினிமான்னா?
'அட, இப்டி கூட கதை யோசிக்க முடியுமா!',
'என்னா நடிப்பு!',
'ஐயோ மனசை உருக்குதே இசை...'
...
என்பவற்றையெல்லாம் கடந்து ஏதோ ஒன்று அந்தப்படத்தைப்பற்றி என்று நினைத்தாலும் / பேசினாலும் நம் பதின்பருவ நாட்களில் எதிர்பால் நட்பு தந்த பரவசத்தை மீண்டும் தருதோ அதுவே நல்ல சினிமா!
மொழி இதற்கு ஒரு தடையே அல்ல.
எனக்குப்பிடித்த, என்னை பாதித்த படங்களை ஒரு ரசிகனின் பார்வையில் உங்களுடன் பகிர ஆவல். கேமரா ஆங்கிள், கலர் டோன், சவுண்டு என்ஜினியரிங் என்றெல்லாம் டெக்னிகல் ஜல்லியடிக்க மாட்டேனென்று லூமியர் ப்ரோஸ் மீது சத்தியம்!
கோகிலா!
வருகிறேன்!!
கருத்துகள்
கருத்துரையிடுக