peyaril enna irukku

காலை செய்தித்தாளை அவசரமாய் புரட்டிப்படித்த ஆனிக்காற்று, வாசித்த செய்திகளின் தாக்கத்தால் சித்தம் கலங்கி எங்கெங்கோ சுற்றி அலைந்துகொண்டிருக்கிறது இப்போது வரை. இப்போது மட்டுமல்ல, எப்போதுமே அப்படித்தானாம். காற்று காணாதா போரா, வன்முறையா, கோரமா, சோகமா, கோபமா, அழுகையா, ஓலமா? ஆனாலும் அவற்றையெல்லாம் மறுபடி மறுபடி அச்சில் படிக்கும் சோகம் அதனை கனத்த போர்வையாய் கவ்வும். இன்னும் எத்தனை தலைமுறைகளுக்குதான் இந்த மனிதர்கள் இங்கே இப்படி என நொந்துபோய் சற்றே இளைப்பாற தவிக்கும் காற்றுக்கு இப்போதெல்லாம் மரங்கள் கூட இல்லை மனிதர்கள் உலகில். காற்று காணாத செய்திகளையா தாள்கள் மனிதரிடம் கொண்டுசேர்க்க முடியும்? செய்தித்தாள்களின் தலைப்புச்செய்திகளை மிஞ்சுமளவு காற்றின் குரல் ரகசியம் பேசும், கொஞ்சும், குழையும், ஓங்காரமிடும், ரீங்காரமிடும், கேட்க விரும்பும் செவிகளில் எல்லாம்.  கேட்பவர்கள்தான் அதிகமில்லை இங்கு. தப்பித்தவறி செவி வழி நுழைந்த காற்றின் குரலும் மனித இதயங்களில் புதைந்துபோகும், நாசிகள் கூட அடைபட்டுப்போன உலகில். மனிதர்கள் துளையாத மூங்கிலா என்ன காற்று வழிந்தோட! உறங்கும் மனிதர்கள் அனிச்சையாய் எழுப்பும் ஒலிகளி...

சார்லஸ் டார்வின் தந்த பரிணாமவியல் - Evolutionary Biology. இதன் தவறான சாரம் - Survival of the fittest. இந்த தவறான புரிதல்தான் தமிழிலும் 'வலியவன் வாழ்வான் / வலிமையான உயிர்கள் வாழும்' என வலம் வருகிறது. வலிமை என்பதற்கு மனிதர்களது புரிதலில் "பேராற்றல்" - Might. உதாரணத்துக்கு இன்றைய அமெரிக்கா. டார்வின் சொன்னது, Survival of the most adaptable.  அமெரிக்கா வலிமையான நாடு. ஆனால் டார்வினின் பரிணாம கோட்பாட்டில் அது fittest Nation அல்ல. வலிமைக்கும் most adaptable க்கும் என்ன வேறுபாடு? Most Adaptable - உதாரணம்: ஓணான் / உடக்கான்!  தான் இருக்கும் சூழலுக்கு ஏற்றவாறு தன்னை தகவமைத்துக்கொள்ளுதல் / மாற்றிக்கொள்ளுதல். 200 மில்லியன் ஆண்டுகளாக adapt ஆகி ஆகி தன் இனத்தை நீட்டித்துக்கொண்டிருக்கும் இந்த உயிர் ஒரு சில 'வெகு வேகமாக சூழல் மாறிப்போன நிலங்களில் பதுனைந்தாண்டுகளிலேயே தன் மரபணுவை (DNA) மேம்படுத்தி பிழைத்திருக்கிறதாம்! நம் கண்ணதாசன் இதையே எளிமையாக  'ஆற்றங்கரை மேட்டினிலே ஆடி நிற்கும் நாணலது ஆற்றங்கரை மேட்டினிலே ஆடி நிற்கும் நாணலது காற்றடித்தால் சாய்வதில்லை' என எழுதியிருக்கிறார்...

  The case for the missing Thug. தக் லைஃப் படம் பார்த்தேன்.  மிக உயர்ந்த கலைஞர்கள் தங்களது உழைப்பையும் நம்பிக்கையையும் கொண்டு ரசித்து செதுக்கியிருக்கிறார்கள். ஆனால் என்னால் உணர்வுபூர்வமாக ரசிக்க முடியவில்லை. ரவுடிகளின் குழுக்கள், அவர்களது வன்முறை வாழ்வு, உயிருக்கு உத்தலவாதமில்லாத அன்றாட வாழ்வு என எல்லாமே பல முறை பார்த்திருந்தாலும் அலுப்பு தட்டாமல் முழுப்படமும் பார்க்கமுடிந்தது. ஆனாலும் 'ஏதோ ஒன்று குறைகிறதே...' என நினைப்பு மட்டும் தொடர்ந்தது.  இரு நாட்கள் கழித்து இன்று விடை கண்டேன், இல்லை இல்லை, கேட்டேன்! நாயகன் படத்தில் விலைமாது நாடிப்போகும் நாயகனின் காட்சிக்கோவையை இசையின்றி பார்த்தேன். பின்னர் இசையை ஒலிக்கவிட்டு மறுமுறை பார்த்தேன். அதுதான், அதுதான் missing! The Soul Connect. The kind of emotional hooks Raja's music got me into that film, is sorely missing here. ARR அற்புதமாக இசை அமைத்திருக்கிறார். அவை என்னை தாளமிடவும் தலையாட்டவும் வைத்தாலும் ஏனோ காட்சிகளுடன் பிணைக்கவில்லை. இப்படத்தின் மிகச்சிறந்த இரு பாடல்கள் - ஒன்று படத்திலேயே இல்லை, இன்னொன்று, காட்சிகளற்ற title card po...

  கதவுகள் இல்லாத உலகம், எல்லைகள் இல்லாத மனிதம்... எனது நண்பர்,  ஐரோப்பாவில் வாழ்ந்த பத்தாண்டுகளில் வெளியில் செல்லும்பொழுதெல்லாம் அவரது வீட்டு கதவை பூட்டியதே இல்லை. 'என்ன இருக்கு பாபுஜி, எடுத்துட்டுப்போறதுக்கு?' என்பார். அவரது தேவைகள் குறைவு. வீட்டிலுள்ள பொருட்களும் அவ்விதமே. ஆனால் இந்தியாவிலிருந்து அவர்களது உறவினர்கள் அனைவரையும் ஐரோப்பிய சுற்றுப்பயணம் அழைத்துச்சென்று (அவர்களுக்கு தமிழ் உணவு சமைக்க ஒரு சமையற்காரரையும் சேர்த்துதான்!) மகிழ்ந்தார்.  சனி சீக்னாப்பூர் என்கிற இந்திய சிற்றூரில் யாரும் அவர்களது வீடுகளை பூட்டுவதில்லை. சனி பகவானின் பூமி என்கிற பய பக்தியினால் திருட்டுகளும் இல்லை. அன்புக்கும் பக்திக்கும் பூட்டிய கதவுகளை திறக்கும் ஆற்றலும் உண்டு, கதவுகளை திறந்து வைத்தே வாழும் ஆற்றலும் உண்டு. ஆனாலும் யதார்த்த வாழ்வில் 'பொருள் இருப்பவர்க்கும் இல்லாதவர்க்கும் உள்ள பொருளாதார இடைவெளியினால் (the chasm between Haves and Have nots):நம் கதவுகளை பூட்டி பாதுகாக்கும் அவசியத்தில் வாழ்கிறோம். வீடுகளுக்கு கதவு, பூட்டு...சரிதான். ஆனால. நம் மனித மனங்களுக்கு? நம்மில் எத்தனை பேரின் மனது ...

நண்பகல் கோடை வெயிலில் சாலையை கடக்கும்போது அவர்களை பார்த்தேன். ஒரு டாடா ஏஸ் வண்டி முழுக்க குப்பைகள். கணவன், மனைவி + ஒரு சின்னஞ்சிறுமி. சாலையோர மர நிழலில் வண்டியை நிறுத்திவிட்டு தரையில் அமர்ந்து அவர் எதையோ உடைத்து சேகரிக்க, அந்த சிறுமியும் குப்பைகளை கிளறிக்கொண்டிருந்தாள்; மூன்று வயது கூட ஆகியிருக்காது... அவளது அம்மா சாலையோரம் இருந்த குப்பையை கிளறிக்கொண்டிருந்தார். யு டர்ன் செய்து திரும்ப வந்து அவர்கள் அருகில் நிறுத்தி உரையாடினேன்... 'ஏங்க இப்படி சின்ன குழந்தையும் குப்பையில...பள்ளிக்கூடம் போகலையா?' என்றேன். திருப்பூரில் இருந்து தினமும் கோவைக்கு வந்து குப்பைகள் பொறுக்கி அவற்றில் விலை பெறக்கூடிய பொருட்களை பிரித்தெடுத்து விற்று பிழைப்பு நடத்துகிறார்கள். தமிழ் முகங்களாக தோன்றவில்லை ஆனாலும் தமிழ் தடங்கலின்றி பேசுகிறார்கள். வீட்டில் அவரது அம்மா அப்பா இருந்தாலும் அவர்களும் தினக்கூலிகளாக வெளியே செல்வதால் குழந்தையை பாதுகாப்பாக பார்த்துக்கொள்ள யாருமின்றி அவர்களுடனே அழைத்துச்செல்வார்களாம். பள்ளி செல்லும் வயது வந்தவுடன் பள்ளிக்கு அனுப்ப திட்டமிட்டிருக்கிறார்களாம். கண்ணியமான குரலில் பேசியவரை ப...

என் அம்மா சிறு வயதில் பள்ளி செல்லும் வழி எங்கும் சொந்தங்களால் நிறைந்திருந்தன அவரது மண்சாலைகள். பெரிய மட்டை, மொட்டை பாட்டி, சின்னு சின்னம்மா, தொப்புள் தாத்தா, குளத்தங்கரை பாட்டி, கதைப்பாட்டி, சமையல் சித்தப்பா, இன்னும் பலவிதமான கலவையான பெயர்கள் சொல்லி அவர் அவர்களை நினைவு கூர்வதே அவ்வளவு அழகு. சொந்தத்துக்குள் பொண்ணு கொடுத்து பொண்ணு எடுத்து என நெருக்கித்தொடுத்த மல்லிகைச்சரம் போல ஊரே மணத்துக்கிடந்தது சொந்தங்களால். உறவு சலசலப்புகள் இருந்தாலும் சரம் தன் இயல்பை இழக்காத சரமாகவே இருந்தது. மல்லிகை அல்லாத வேறு மலர்கள் இந்த சரத்தில் சேர முடியாது என இயல்பாகவே / வேறு வழியின்றி அதனதன் சரம் தேடி மணம் முடிக்க, இப்படி பல மலர்ச்சரங்கள் நிறைந்திருந்தின அவரது நினைவில் நிற்கும் சிற்றூர்களில். ஒரு ஐம்பது வருட இடைவெளியில் எவ்வளவு சிற்றூர்களும் மலர்ச்சரங்களும் காணாமலே போய்விட்டன என நினைத்தாலே மலைப்பாய் இருக்கிறது. முதலில் அறுபட்டது அவர்களது  நிலத்துடனான தொப்புள் கொடி உறவு.  அவர்களை தொடுத்திருந்த வாழ்வியல் நார் நைந்துபோனது அதன் பின். இன்று அநேக அடுத்த தலைமுறை மலர்களுக்கு அவர்கள் இருக்கும் ஊரெங்கும் சொந்...

அந்த பதின்ம வயது சிறுமியின் பெற்றோர்,  சகோதரன் என அனைவருமே கேள்திறன் +  பேச்சு திறன் இழந்தவர்கள். சிறுமி பேசத்தொடங்கிய நாள் முதலே அவள்தான் உலகின் குரல்களை அவர்களுக்கு ஒலி பெயர்த்து சைகை மொழி வழியே உணர்த்துபவள். மீனவ குடும்பம். சொந்த படகில் குடும்பமே அதிகாலையில் கடலில் இறங்கி மீன் பிடித்து காலைப்பொழுதில் விற்று என வாழ்வு நகர்கிறது. நேரத்திற்கு பள்ளி செல்லவும் படிக்கவுமே போராடுகிறாள் இந்தச்சிறுமி. பதின் வயதில் எல்லோருக்கும் தோன்றும் முதல் காதல், தான் யார் என அடையாளம் தேடும் தன்மை, தனக்கு என்ன தேவை என்கிற தேடுதல் அவளுக்கும் உண்டு. ஆனால் அவளது குடும்பம் வெளியுலகத்தொடர்புக்காக அவளை முற்றிலும் சார்ந்திருப்பதால் அவளுக்கு எதற்குமே நேரமில்லை. அதனால் அவளுள் நிகழும் ஏக்கங்கள், கோப தாபங்கள் எல்லாவற்றையுமே அவள் அவர்களுடன் சைகை மொழியில் மட்டுமே பகிர முடிகிறது. பாடல்கள் பாடுவதை அவள் நேசிக்கிறாள். அவளுக்கான சுதந்திர உலகம் அதுவே என உறுதியாக நம்புகிறாள். கல்லூரி படிப்பாக 'இசை'யை தேர்ந்தெடுத்து ஒரு புகழ்பெற்ற கல்லூரியில் படிக்கும் வாய்ப்பு அவளது பள்ளியின் இசை ஆசிரியர் வழியே கிடைக்க, கனவை நனவாக்க...