தேடிச் சோறுநிதந் தின்று - பல
சின்னஞ் சிறுகதைகள் பேசி - மனம்
வாடித் துன்பமிக உழன்று - பிறர்
வாடப் பலசெயல்கள் செய்து - நரை
கூடிக் கிழப்பருவ மெய்தி - கொடுங்
கூற்றுக் கிரையெனப்பின் மாயும் - பல
வேடிக்கை மனிதரைப் போலே - நான்
வீழ்வே னென்று நினைத் தாயோ?நின்னைச் சிலவரங்கள் கேட்பேன் - அவை
நேரே இன்றெனக்குத் தருவாய் - என்றன்
முன்னைத் தீயவினைப் பயன்கள் - இன்னும்
மூளா தழிந்திடுதல் வேண்டும் - இனி
என்னைப் புதியவுயி ராக்கி - எனக்
கேதுங் கவலையறச் செய்து - மதி
தன்னை மிகத்தெளிவு செய்து - என்றும்
சந்தோஷங் கொண்டிருக்கச் செய்வாய்
என எழுதிய பாரதி, இந்தியா விடுதலை அடைந்தபின்னும் உயிரோடிருந்தால் நானிலம் செழிப்பதற்காய் அவன் எழுதியிருக்கக்கூடிய
பாடல் இதோ!
"
தேடி விதைகள்பல நிதஞ்சேர்த்து - பல
சின்னஞ்சிறு கன்றுகளாய் மாற்றி - மனம்
மகிழ்ந்து அன்புமிக உழன்று - பிறர்
இளைப்பாற பல கன்றுகள் நட்டு வளர்த்து- அன்பு
கூடிக் கிழப்பருவ மெய்தி - நல்மரத்தின்
முதிரிலைபோல் மெல்லத்தரையிறங்கி மாயும் - சில
அற்புத மனிதரைப் போலே - நான்
விதையாய் வீழ்வே னென்று நினைந்து செய்வேன் தாயே!
"
என் மனம் உருவாக்கிய paralle Universe ஒன்றில் இந்த முண்டாசுக்கவி ஒரு பச்சை நிற தலைப்பாகையணிந்து அவன் உருவாக்கிய சோலைகளின் ஊடே மிடுக்காய் உலவிக்கொண்டேயிருக்கிறான்...
பேரன்புடன்
பாபுஜி
பின் குறிப்பு:
பாரதியின் இந்தப்படம், திருவையாறு ரா. சிவகுமார் எழுதியிருக்கும் 'பாரதி என்றொரு மானுடன்' நூலின் முகப்பு அட்டையிலிருந்து இணையம் வழி பதிவிறக்கி நறுக்கி உண்டாக்கியது. நன்றி, ரா. சிவகுமார்!
கருத்துகள்
கருத்துரையிடுக