முதன்மை உள்ளடக்கத்திற்குச் செல்

கண்டா சுடச்சொல்லுங்க!

 


டெட் பாடிய கையோட தூக்கி வாருங்க

(காட்டு) பன்றிய கண்டா சுடச்சொல்லுங்க!


காட்டுப்பன்றிகளை கண்டதும் சுட கேரள அரசு அனுமதி தர வேண்டும் என்ற கோரிக்கை செய்தியாகி இருந்தது. 2022 இல் விவசாயிகள் 'முன் அனுமதி' பெற்றபின்பு சுடலாம் என அரசு வறையறுத்தது. ஆனால் இன்று வரை பன்றிகளின் சிக்கல் வளர்ந்து கொண்டே வருகின்றது.

பன்றிகளுக்கு ஒற்றர்கள் யாரோ தகவல் சொல்லியிருப்பார்களோ என சந்தேகிக்கும் அளவுக்கு அவையும் இடம் பெயர்ந்து தமிழக கானக எல்லைப்பகுதிகளில் மெல்ல பெருகி வருவதாக சற்று முன் கிடைத்த தகவல்!


இயற்கையில் காட்டுப்பன்றிகள், நரிகள் இருந்த வரை பெருகாமல் கட்டுக்குள் இருந்தன. நரிகளை பற்களுக்காகவும் இன்னும் பல காரணங்களுக்காகவும் வேட்டையாடி அழித்தபின்பு காட்டுப்பன்றிகளோடு போராடுகிறோம், காடுகளை அழித்தபின் அங்கு காணாமல் போன தம் உணவை தேடி ஊருக்குள் வரும் யானைகளோடு போராடுவது போல.


ஆஸ்திரேலியாவில் முயல் தொந்தரவை ஒழிக்க 'உயிருடனோ பிணமாகவோ பிடித்து 

வந்தால் சன்மானம்' என்பது போன்ற பல முயற்சிகளை இருநூறு+ ஆண்டுகளாக முயற்சித்த பின்பும் முயல்கள் எண்ணிக்கையோ குறைவதாக இல்லை :-) நாட்டின் குறுக்கே கோழிவலை வேலி போட்டுப்பார்த்தும் பலனில்லை! அவர்களும் தொடர்ந்து போராடிக்கொண்டே இருக்கிறார்களாம்!

போராட்ட குணம் நம் மரபணுவிலேயே இருக்கிறது! 


ஆன்மீகமா போராட்டமா என்ற கேள்வி வந்தால் எது வெல்லுமென்று யார் சொல்லுவார்?!

வராக ரூபம்...!


(Top Image credit: The Hindu news article about Kerala Municipal team killing 42 wild boars in Shoranur Kerala, October 11, 2022

Bottom image: You know all about it anyway!)

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

விழலுக்கு இறைத்த நீர்

விழலுக்கு இறைத்த நீர்... என்னை சிந்திக்க வைத்த சொற்றொடர் இது.  பலனளிக்காத முயற்சியின் தோல்வியை சுட்டவே பெரும்பாலும் பயன்படுத்துகிறோம். இதன் கருப்பொருள் வேறாகவும் இருக்கலாம்... விழல் = களை = களையப்படவேண்டிய, நமக்கு அவசியமற்ற பயிர். நமக்கு அவசியமான பயிர்கள் மட்டுமே நம் வயலில் இருக்கவேண்டும். அப்போது மட்டும்தான் பஞ்ச பூத முழு சக்தியும் நமக்கு வேண்டிய பயிருக்கு கிட்டும், அதற்கு மட்டுமே கிட்டும். இந்த சித்தாந்த அடிப்படையில்தான் மேற்குத்தொடர்ச்சி மலைக்காடுகள் வேறோடு பிடுங்கப்பட்டு, தேயிலையும் காபியும் பயிராச்சி (நாமள்லாம் அப்போ வெள்ளக்காரங்களே!). இந்த சித்தாந்த அடிப்படையிலதான் சம வெளிகளிலும் காடுகள் நம்மால் சிதைக்கப்பட்டு நெல், கோதுமை, கரும்பு, வாழை என மாறிப்போயின. இதே அடிப்படையில்தான் பல உயிரினங்கள் நம் ஆக்கிரமிப்புக்கு அடிபணிந்து ஏற்கனவே விடைபெற்றோ அல்லது விடைபெற்றுக்கொண்டோ இருக்கின்றன. நிலத்தில் மட்டுமல்ல, நீரிலும்தான்; 'என்னது ஆஸ்திரேலியால பவளப்பாறைகளை காணுமா?!!! அது வேற பஞ்சாயத்துபா!'. இதெல்லாம் நிகழக்கூடாதென்றுதான் அன்று நம் ஆட்கள் விழல...
2 கருத்துகள்
மேலும் படிக்கவும்

சிறுக கட்டி பெருக வாழ்

சிறுக கட்டி பெருக வாழ்! கேள்விப்பட்டிருக்கிறோம். படித்திருக்கிறோம். சிறிதாய் தொடங்கி ஆல் போல் வளர்ந்து என வணிகம் பேசியிருக்கிறோம். அளவாய் வீடு கட்டி சுற்றம் சூழ்ந்து பெருக மகிழ்வாய் வாழ்தல் என முயற்சிக்கிறோம். இவையெல்லாவற்றையும் தாண்டிய புரிதல் ஒன்று வேண்டும். சிறுக கட்டி - சிறு வீடு கட்டி, பெருக - பல்லுயிர் பெருக, நாமும் வாழ்வோம் என்பதாகவும் இதன் பொருள் இருக்கலாம். பாரதி கனவு கண்ட காணி நில வாழ்வும் இதுவே, பில் மோலிசன் கற்றுத்தந்த பெர்மாகல்ச்சரும் (ஒருங்கிணைந்த பண்ணையம்) இதுவே, காந்தி மற்றும் புகுவோகா பரப்பிய சுயசார்பு பண்ணை வாழ்வும் இதுவே! பெரிதாய் கட்டி சிறிதாய் வாழ்ந்துவிட்டுப்போகும் நமக்காகவே சொல்லப்பட்டது, அன்றே! உணவு வீணாவதைப்பற்றி ஐ.நாவில் கூட்டம் கூட்டமாய் விவாதித்து புள்ளி விபரங்கள், அறிக்கைகள் பதிப்பிக்கிறார்கள். இந்தியாவில் 40 சதம் வீணாகிறதாம். நம் வாழ்வியல் அறியாது எழுதித்தள்ளுகிறார்கள். உணவு மீந்தால் / ஒரு இலை வீட்டிலிருந்து வெளியே விழுந்தால்கூட ஒரு கூட்டமே (மனிதர் முதல் பூச்சி வரை) அதிலிருந்து உண்ணும் இங்கு! இதில் வீணாவதெங்கு?! ...
1 கருத்து உள்ளது
மேலும் படிக்கவும்

பெரிதினும் பெரிது கேள்!

பெரிதினும் பெரிது கேள்னு சொல்லிட்டுப்போனவன் ஒழுங்காதான் சொல்லிட்டு போனான், நாமதான் தப்பு தப்பா எதையெதையோ கேட்டுகிட்டிருக்கோம்... வணிகம், பெருவணிகம் பேராசைப்பெருவணிகம் - அப்டீன்னா இன்னாபா? வணிகம், பண்டமாற்றில் தொடங்கியது; எப்போதென்று யாருக்கும் தெரியாது. பண்டம் உற்பத்திப்பொருளில் இருந்து சோழிகளுக்கும், உப்புக்கும் மாறி பின்னர் 'உலகமயமாக்கலின்' (ஆயிரம் வருடங்கள் முன்னரே இது நடந்தாச்சிபா!) தேவைக்காக உலோக நாணயங்களாக மாறி, வழிப்பறிக்கு பயந்து காகிதமாகி, இன்று 'வழிப்பறி' (tax rules of different geographies I mean :-) தாண்டி மாயக்காசுகளாய் (பிட்டு காயின்ங்ணா, இது வேற பிட்டுங்ணா!) அசுவத்தாமன் ஆவி போல 24*7 அலைந்துகொண்டே இருக்க சபிக்கப்பட்டிருக்கிறது :-) வணிகம் பெருத்து பெருவணிகமானபின்பும் எல்லாம் நல்லாத்தான் போய்கிட்டிருந்தது, பேராசை அதனுடன் இணையும் வரை. அதுக்கப்பறம் வந்ததெல்லாம் பேராசைப்பெருவணிகந்தேன்! பெருவணிகம் (corporates) தவறல்ல, அறம் சார்ந்ததாய் இருக்குமானால். பெருவணிகத்துக்கான தேவையை 1947 க்கு முந்தைய இந்திய நிலையை நினைவில் நிறுத்தி உணரும் ந...
கருத்துரையிடுக
மேலும் படிக்கவும்