காற்றின் மொழி...

என்ன சத்தம் இந்த நேரம்?

சத்தங்களால் நிரம்பி வழியுது நம் தினம், தினம் தினம்.

காலை 5 மணி முதல் வ்ரூம் வ்ரூம் என வாகன விரைச்சல் (= 'விரைவான இரைச்சல்'), bell curve மாதிரி சன்னமாய் தொலைவில் தொடங்கி சடுதியில் உச்சம் தொட்டு சட்டென சன்னமாகி மறை...யும் என முடிப்பதற்குள் அடுத்த வ்ரூம்!

அடுத்த அரை மணி நேரத்திற்குள்

1. கீர கீரேய் கீர கீரேய் கீர கீரேய் கீர கீரேய் கீர கீரேய் கீர கீரேய் கீர கீரேய் கீர கீரேய்

2. மாவ்

மாவ்

(இட்லி தோச மாவாம்)

3. காய்கறி பழம் காய்கறி பழம் காய்கறி பழம் காய்கறி பழம் காய்கறி பழம் காய்கறி பழம் காய்கறி பழம் காய்கறி பழம் காய்கறி பழம் காய்கறி பழம்

4. அக்கா அண்ணா ஐயா அம்மா பளசுக்கு புதுசு பளசுக்கு புதுசு வீட்ல தேவயில்லாம கெடக்கிற பளைய டிவி, ஏசி மெசினு, ப்ரிட்ஜி, வாசிங் மெசினு, வாட்டர் ஹீட்டரு, நியூஸ் பேப்பரு வீட்டு வாசல்லயே வாங்கிக்கிறோம் பணமா மாத்திக்கலாம். பொருளோட வாங்க சந்தோசமா போங்க!

அக்கா அண்ணா ஐயா அம்மா பளசுக்கு புதுசு பளசுக்கு புதுசு வீட்ல தேவயில்லாம கெடக்கிற பளைய டிவி, ஏசி மெசினு, ப்ரிட்ஜி, வாசிங் மெசினு, வாட்டர் ஹீட்டரு, நியூஸ் பேப்பரு வீட்டு வாசல்லயே வாங்கிக்கிறோம் பணமா மாத்திக்கலாம்.

பொருளோட வாங்க சந்தோசமா போங்க!

ஓ, அப்டியே படிச்சிட்டீங்களா! எடைல எடைல கொஞ்சம் வ்ரூம் வ்ரூம் கிக்கீஈஈஈஈய்ங், கிக்கீஈஈஈஈய்ங் (horn க்கு!) எல்லாம் சேத்துக்கணும் :-)

இது போக,

வெங்காயம், வெங்காயம், வெங்காயம், வெங்காயம், வெங்காயம், வெங்காயம், வெங்காயம், வெங்காயம், வெங்காயம், வெங்காயம், வெங்காயம், வெங்காயம்,

அஞ்சு கிலோ நூர்ரூபா அஞ்சு கிலோ நூர்ரூபா அஞ்சு கிலோ நூர்ரூபா

வெங்காயம், வெங்காயம், வெங்காயம்,

அஞ்சு கிலோ நூர்ரூபா அஞ்சு கிலோ நூர்ரூபா அஞ்சு கிலோ நூர்ரூபா

"சரி, வீடு வாசல் இருக்கிற எடங்கள்லதான் இப்படி போல, கொஞ்சம் மெயின் ரோடு வரைக்கும் போலாம்" னு கெளம்புனா...

கெளம்புனா,

நூர்ரூபா நாப்பத்தொம்பது ரூபா நூர்ரூபா நாப்பத்தொம்பது ரூபா நூர்ரூபா நாப்பத்தொம்பது ரூபா நூர்ரூபா நாப்பத்தொம்பது ரூபா நூர்ரூபா நாப்பத்தொம்பது ரூபா நூர்ரூபா நாப்பத்தொம்பது ரூபா ன்னு இன்னொரு லௌட்ஸ்பீக்கர் கதறல்!

"இதென்ன புதுசா இருக்கு?! நூர்ரூபா தந்து ஏன் நாம்பத்தொம்பது ரூபா வாங்கணும்? Doesn't make sense you know!" என கொதிப்பாய் சத்தம் வந்த திசையை நோக்கினால், ஒரு மொபைல் அக்சசரீஸ் கடையில் வாசலில் பொட்டிக்கடை மாதிரி அமைத்து அதில் டெம்ப்பர் க்ளாஸ் டிஸ்கௌண்டு சேலாம்!!!!!

இதில் என்ன common thread னா, இந்த இரைச்சல் எல்லாமே ரெக்கார்டட் இரைச்சல், தொடர்ந்து ப்ளேபேக் செய்யும் சிறு கருவிகள் + பெரிய speakerகள் வழியே விநியோகமாகிறது!

என்ன கொடுமை சரவணன் இது?! என சினந்து, "சத்தம் இல்லாத தனிமை கேட்டேன்" என்று ஏகாந்தம் தேடி ஓடினால்...

பூமில எங்கயுமே இல்லயாம், எல்லா இடத்திலயும் டூரிஸ்ட் கும்பலாம், சோசியல் மீடியா போஸ்டுக்காக லைவ் ஷூட்டாம்!

அமைதியற்ற பூமி,

இருளற்ற இரவுகள்,

தூக்கம் தொலைத்த விழிகள்,

ஈரம் தொலைத்த இதயங்கள்....

லேட் நைட் சோசியல் மீடியா இயர்ஃபோன், எமர்ஜன்சி சலைன் ட்ரிப் லைன் போல காதில் ஓடிக்கொண்டிருக்க, ICU படுக்கையில் நம்மை சூழ்ந்திருக்கும் நம் ஆரோக்கியத்தை காட்டும் கருவிகள் போல laptop, Tab, Mobile phone திரைகள் ஒளி உமிழ, பக்கத்தில் சிவப்பு / நீலம் / பச்சை / மஞ்சள் நிறத்தில் விட்டு விட்டு ஒளிரும் modem கருவிகளில் LED micro விளக்குகள் நம் படுக்கை அறைகளில்!

இதன் மத்தியில் எப்போது உறங்கிப்போனோம் என தெரியாது உறங்கத்தொடங்குகையில் பொழுது சட்டென விடிந்து....

காலை 5 மணி முதல் வ்ரூம் வ்ரூம் என வாகன விரைச்சல் (விரைவான இரைச்சல், bell curve மாதிரி சன்னமாய் தொலைவில் தொடங்கி சடுதியில் உச்சம் தொட்டு சட்டென சன்னமாகி மறை...யும் என முடிப்பதற்குள் அடுத்த வ்ரூம்!).

அடுத்த அரை மணி நேரத்திற்குள்

2. மாவ்

மாவ்

(இட்லி தோச மாவாம்)

பொருளோட வாங்க சந்தோசமா போங்க!

அப்டியே படிச்சிட்டீங்களா! எடைல எடைல கொஞ்சம் வ்ரூம் வ்ரூம் கிக்கீஈஈஈஈய்ங், கிக்கீஈஈஈஈய்ங் (horn க்கு!) எல்லாம் சேத்துக்கணும்.

இது போக,

அஞ்சு கிலோ நூர்ரூபா அஞ்சு கிலோ நூர்ரூபா அஞ்சு கிலோ நூர்ரூபா

வெங்காயம், வெங்காயம், வெங்காயம்,

அஞ்சு கிலோ நூர்ரூபா அஞ்சு கிலோ நூர்ரூபா அஞ்சு கிலோ நூர்ரூபா

மாநாடு சிம்பு போல தூக்கி வாரி எழுந்து டைம் லூப்பில் அதே பழைய தினம் மீண்டும் play ஆகும்!

அவ்வப்போது "நாம டைம் லூப்லந்து தப்பிச்சிட்டோம் போல" என மாயை காட்டுவதற்காக பக்கத்து வீட்டில் காலை ஏழு மணிக்கே கரகர டங்டிங்டொங்கென கட்டிட வேலை தொடங்கும்.

அடுத்தடுத்த தினங்களில் இதே இரைச்சல்கள் தொடரவும், 'time loop upgrade ஆய்டுச்சி போல!' என நாமும் பழகிக்கொள்வோம்.

முப்பது வருடங்களுக்கு முன்னும் இரைச்சல்கள் அதிகமிருந்தது. தெருவெங்கும் ஒலிபெருக்கிகள் பக்தியை காற்றில் தூவிக்கொண்டே இருந்தன, பல நேரங்களில் நம்மை தூங்கவிடாமல், படிக்கவிடாமல் பேரிரைச்சலாய்.

ஒரு தெருவில் 'கற்பூர நாயகியே கனகவல்லி'யில் தொடங்கி 'நல்ல மனதில் குடியிருக்கும் நாகூராண்டவா' வில் தாவி பின்னர், 'மண்ணுலகில் தேவன் இன்று இறங்கி வருகிறான், நல்ல மனிதரின் நடுவில் குழந்தையின் வடிவம் பெறுகிறான்' ஆக மாறி...'செல்லாத்தா, மாரியாத்தா...' என எகிறி, 'முருகா நீயெல்லாம் தெய்வமில்லை, எனது நெஞ்சே நீ வாழும் எல்லை' என எல்லையற்று காற்றில் எகிறி எகிறி அடிக்கும்.

இந்த இரைச்சல்களுக்கிடையில், வாகனப்புகை மூச்சு முட்ட, தன் அப்பாவின் விரல் பிடித்து நடந்துகொண்டிருந்த என் தோழி, 'ஏன்ப்பா இப்டி?! ஒரே இரைச்சலா இருக்கு, கோவம் கோவமா வருதுப்பா!' என்றார் ஒருநாள்.

நற்தகப்பன், பொறுமையாய் அவருக்கு சொன்னது இன்றுவரை அவருக்கு அமைதி தந்துகொண்டிருக்கிறது; 'இரைச்சல் இருக்கத்தான்மா செய்யும். உனக்கு அது வேணாமென்றால், எது வேண்டுமோ அதில் கவனத்தை செலுத்து. இல்லையென்றால் உன்னால் எங்குமே நிம்மதியா இருக்கமுடியாது...'

அந்த தகப்பன் இப்போது இல்லை.

முந்தைய தலைமுறையின் அனுபவ அறிவை மதிக்கும் தலைமுறை, எனது தலைமுறை, அனுபவத்தை மதிக்கும் கடைசி தலைமுறையாக இருக்கும் என எண்ணுகிறேன்.

அப்படியானால் இன்றைய தலைமுறை?

எனது இன்றைய இந்தியாவிற்கு, இன்றைய தலைமுறைக்கு உடனடி தேவை:

Noise Filter!

A noise filter that must be applied regardless of religion, race, caste, sex, place of birth or any of them.

After all, Noise is...just noise!

காற்றின் மொழியை கேட்கமறந்த நாம், "இரைச்சலுக்கு நிறங்கள் இல்லை" என்கிற உண்மையையும் மறந்துபோனோம்.

இது பொலிடிகல் பதிவு இல்லை :-)

peyaril enna irukku

இந்த வலைப்பதிவில் தேடு

காற்றின் மொழி...

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

விழலுக்கு இறைத்த நீர்

சிறுக கட்டி பெருக வாழ்

எங்கள் விவசாயிகள் பாலாடைக்கட்டிகள் உண்பதில்லை