சூழல் மாசு கட்டுப்பாட்டு துறை, பத்திர பதிவுத்துறை, மின் விநியோகத்துறை, ஊரக வளர்ச்சித்துறை ஊழியர்கள் கைதானார்கள்.
இவை எல்லாமே நமது அடிப்படை தேவைகளை நிறைவேற்றுவதற்காக அமைக்கப்பட்ட துறைகள்; யாருடைய பேராசையையோ நம் பணத்தால் நிரப்புவதற்காக அல்ல.
The arrested ones are not aliens. They are from among us.
Many believe in their rights to demand bribe because they might have paid so much to get into vantage positions of this well oiled machinery called bureaucracy.
Somewhere in this heap of bribed stuff lay the sweat stained notes offered by some poor farmers who were forced to pay a bribe to just execute a settlement deed of their tiny landholding to their offspring, the cough stained notes paid by a family towards medical bill of their asthmatic child...and so on.
WHY?!
கஷ்டப்பட்டு உழைச்ச காச லஞ்சமா வாங்கி, பொல்யூஷன கண்டுக்காம விட்டு நம் மூச்சுக்காற்றையும் நச்சாக்கி, இதனால் யாருக்கோ ஆஸ்த்மா வந்து அவங்க கஷ்டப்பட்டு சேத்துவச்ச காச மெடிக்கல்ஸ்ல செலவு பண்ண வைக்கிறதும் லஞ்சத்தின் வெளிப்பாடுதானே! இதை ஏன் அனுமதிக்கிறோம்?
டேபிளுக்கு அடியில் நீள்வதும் நமது கரங்கள்தான், தருவதும் நமது கரங்கள்தான்!
'தராவிட்டால் இழுத்தடிக்கிறார்கள்; வேலை கெடுகிறது!'
நியாயமான கவலைதான்.
லஞ்ச ஒழிப்புத்துறை 24*7 கண்காணிப்பதும் நடைமுறையில் சாத்தியம் இல்லை.
தீர்வுகள் இல்லவே இல்லையா என்ன?
கூட்டி கழிச்சி பாத்தா நாம efficiency வேண்டி லஞ்சம் தருகிறோம் (கொடுக்காட்டி இந்த வேலையை முடிக்க நேரச்செலவு, பணச்செலவு, மன நிம்மதி செலவு, இவை காரணமாய் வரும் மருத்துவ செலவு எல்லாமே அதிகமாகுமே).
ஒரு புறம் efficiency gain செய்யணும் என்ற முனைப்பில் அடிப்படை துறைகளான கல்வி. போக்குவரத்து, மக்கள் நலம் எல்லாவற்றையும் தனியார்மயம் செய்தோம்.
அந்த மாயத்தை இங்கும் செய்யலாம்; வருவாய்த்துறையை தனியார்வசம் ஒப்படைத்து விடலாம். அவர்களும் போட்டி போட்டு efficiency ஐ அதிகப்படுத்துவார்கள்; வெளிப்படையாக, முறைப்படுத்தப்பட்ட கட்டணத்தை வசூலிப்பார்கள், நம் தொலைத்தொடர்பு துறையில் நிகழ்ந்த மாயங்கள் போல!
"ஏனுங்க, என்ற நெலத்த அளக்குறதுக்கு நா எதுக்குங்க வருவாய்த்துறையிலேந்து நில உரிமைக்கான ஆவணங்கள் அனைத்தையும் அவர்களிடம் கட்டணம் செலுத்தி வாங்கி அவர்களிடமே திரும்பத்தந்து, அரசுக்கான கட்டணத்தை ட்ரெஷரி அக்கவுண்டில கட்டி, ஆறு மாசம் காத்துக்கெடந்தும், 'கெரகத்த ஒரு ஆபீசரையும் காணமே!' ன்னு மணியாராபீசுக்கு அலஞ்சி அங்கண தண்டல்காரர புடிச்சி விஏஓவ 'பாத்து' அப்புறம் ஒரு சுப யோக சுப தினத்திலே அஞ்சாறு பேரு புடைசூழ ஆபீசருங்க வந்து அளந்து சில பல ஆயிரம் வழிச்செலவுக்கு கேக்கையில மொகங்கோணாம தந்து நோகணும்?
நொந்தது போதாதுன்னு எம்புள்ளைகளுக்கு நிலத்த தான செட்டில்மெண்டு பதியப்போனா அங்கன பெரிய அஞ்சு ரூபா தந்தாதான் பத்திரமே பதிவாகும்னு எழுத்தரு சொல்றாரு...
மக்களால், மக்களுக்காக, மக்களாலேயே ஆனது நமது ஆட்சி அதிகாரம்கிறாங்க, கெரகத்த நாங்களும் அதில இருக்குறமா இல்லையான்னு லஞ்சம் தராத கண்டுபிடிக்க எதுனாச்சும் வழி இருக்கான்னு சொல்ங்கண்ணா, சொல்ங்க்கா!"
என்கிறார் எண்பது வயதான செல்லப்ப விவசாயி.
என்ன விடை தரப்போகிறோம்?
கருத்துகள்
கருத்துரையிடுக