பசித்திரு, தனித்திரு, விழித்திரு, பிழைத்திரு!

இயற்கை வேளாண்மையும் இயற்கை மருத்துவமும்.

முன்னது ஆகும்.பின்னது ஆகாது!

உலகம் முழுவதும் ஒரே உணவுப்பழக்கம் என்ற மேற்கின் கனவு நம் கண்முன்னே தகர்ந்து போய் கிடக்கிறது இன்று.

உலகின் பெரும்பான்மையான பகுதிகளில் பல பயிர் பல்லுயிர் என நோயற்று வாழ்ந்த மக்களை வணிகப்பயிர்களுக்கு, ஒற்றைப்பயிர்களுக்கு மாற்றவைத்தது மேற்கின் பொருளாதார பலம்.

வருடத்தில் ஆறுமாதம் இயற்கை சூழல் ஒத்துழைக்காததால் முடங்கியிருந்த மேற்கு, வணிகக்காற்று உந்தித்தள்ள கடற்பயணம் தொடங்கியபோது எஞ்சிய உலகைப்பிடித்தது சனி!

"

பட்டும், மிளகும் கம்பளமும் ஆசியாவில் கிடைக்கிறதே!

மேன்மையான குதிரைகள் அரேபியாவில் கிடைக்கிறதே!

பொன்னும் வெள்ளியும் தென்னமெரிக்காவில் குவிந்து கிடக்கிறதே!

விலையற்ற தொழிலாளர்கள் (அடிமைகள்!) செவ்விந்திய, மேற்கிந்திய, இந்திய, ஆப்பிரிக்க நிலப்பரப்பில் ஏராளமாய் இருக்கின்றனரே!

கோகோ மெக்சிகோவில் செழித்து வளர்கிறதே!

"

என கப்பல்கள் நூற்றாண்டுகளாய் கரை தொட்டு நங்கூரமிட, இறங்கிய வணிகக்கூட்டம் சுரண்ட முடிந்தவரை அள்ளிச்சென்றபின், அந்த நிலங்களையும் தன் வணிக நீட்சிக்காய் அந்த நிலங்களிலிருந்த பல்லுயிர் சுழற்சியை உடைத்தழித்து, ஒற்றைப்பயிர் நிலங்களாக மாற்றியமைத்துச்செல்ல, இன்றுவரை

இந்தியாவில் நெல், கோதுமை, கரும்பு

தென் கிழக்காசியாவில் நெல், சர்க்கரை

ஆப்பிரிக்காவில் நெல், கோதுமை, சோளம், கரும்பு, மலர்கள்

தென்னமெரிக்காவில் சர்க்கரை, கோகோ

மெக்சிகோவில் கோகோ

என கட்டம் கட்டி உற்பத்தி பெருக்கி,, இன்றுவரை உலகப்பொருளாதாரத்தின் பிணைக்கைதிகளாய், கொத்தடிமைகளாய் இந்த நிலப்பரப்புகளின் தொல்குடியினர்..

அறுநூறு ஆண்டுகளாய் கோலோச்சிய இந்த வணிகம் இன்று தன் பரிமாணத்தை மாற்றிக்கொண்டு தொழில்நுட்ப வணிகத்தினை முன்னெடுத்து நடக்க, முன்பு போல கொத்தடிமைகள் அதிகமாய் தேவையில்லை இப்பயணத்தில். சிலரைக்கொண்டே உலகாளலாம்!

மீண்டு வந்த மனிதக்கூட்டம் உயிர் வளர்க்க வயிறு வளர்க்க ஆதி வேளாண் தொழிலை. அது சார்ந்த தற்சார்பு வாழ்வியலை தேர்ந்தெடுத்து நடக்க..

இயற்கை வேளாண்மையின் மாண்பு கண்டு மிக மகிழ்ந்து பெருங்கூட்டம் பின்தொடர...

அந்தத்தடத்திலும்  பெருவணிகம் வலை விரித்து காத்திருக்குது! 

'நீ விளைவிக்கும் அத்தனையும் எங்களுக்கு வேண்டும். பல மடங்கு பணம் தருகிறேன். அதன் கூடவே எங்களது விதிமுறைகளையும் தருகிறேன். உனது தற்சார்பு வாழ்வியல் உன்னை உன்னதமாய் உள்ளிழுத்தால் எனக்கு யார் நல்லுணவு தருவது? என் நிலத்தில் நான் பறவை, தேனீ கொன்று குவித்து, வேறு யாருடைய கால்நடைகளுக்கோ உண்ண சோளம் வளர்த்து... இன்று உணவுக்காக கையேந்தி, உன்னை மீண்டும் பணபலம் கொண்டு அடிமைப்படுத்துகிறேன். மகிழ்வோடு ஒப்புக்கொண்டு ஒப்பந்தத்தில் கையொப்பமிடு!' என 'கையேந்துவதைக்கூட ஆற்றலோடு செய்கிறேன் பார்!' என்கிறது.

எங்கும் மறுபடி ஒற்றைப்பயிர் வளர், இயற்கை முறையில்! எனப்பணித்து, இயற்கை வேளாண்மையை, வாழ்வியலின் தேவை சார்ந்த பல்லுயிர் பலபயிர் வேளாண்மையை, மறுபடி சந்தை சார்ந்த ஒற்றைப்பயிர் வேளாண்மையாக மாற்றிக்கொண்டிருக்கிறது. நாமும் மகிழ்வோடு மாறிக்கொண்டிருக்கிறோம்.

...

"

ஆனாலும் பெருவணிகத்திற்கு வேறொரு சிக்கல்!

இயற்கை வேளாண்மைக்கு திரும்பிய மனிதக்கூட்டம் இந்த பணியில் மிச்சம் செய்யமுடிந்த நேரத்தை, சிந்திக்கும் நேரமாக மாற்றி, 'உணவே மருந்து என்று நோயற்று வாழ்ந்தோமே! இன்று மருந்தே உணவாய் வாழ்கிறோமே! மருந்தை ஒதுக்கி, நல்லுணவுக்கு மாறுவோம், மருந்துகள் தவிர்ப்போம்!' என இயற்கை மருத்துவத்தை நாடி ஓட, சனி பிடித்தது பெருவணிகத்தை!

"எல்லோருக்கும் ஒரு மருந்து, ஒரே மருந்து என நாம் கட்டி எழுப்பிய வணிகக்கோட்டை ஆட்டம் காண்கிறதே! மனிதரனைவரும் ஒற்றை அமைப்பு கொண்டவரே என்ற சித்தாந்தத்தை முன்வைத்து நோய் மட்டும் நாடி, இந்த மருந்து உண். பலனில்லையா, வேறு மருந்து மாற்றித்தருகிறேன் உண்!' என 'தீர்வு தேடி' நாம் விலையுயர்ந்த மருந்துகள் பல தந்துகொண்டே வருகிறோம். ஆனால் பழை உலகின் மருத்துவமோ நோய்நாடி நோய்முதல் நாடி அது தணிக்கும் வாய்நாடி... என நோயின் மூலத்தை நாடி, இன்னாருக்கு இன்ன அளவில் மட்டுமே என அவரவரின் வாத, பித்த, கப அளவினைப்பொறுத்து உட்கொள்ளவேண்டிய உணவை மட்டுமே மருந்தாய் தந்து ஒரேயடியால் குறைந்த செலவில் குணமாக்கினால் நம் பிழைப்பு என்னாவது? 

தடை செய்வோம் பிழைத்திருப்போம்

நம் புதிய அறிவியல் அளவீடுகள் வழியில் நாம் களமிறக்கிய லாபம் மிகுந்த வேதி வணிக மருந்துகள் சாராது, தனி மனிதரின் உடல் குறியீடுகள் வழி குணம் நாடி உணவையே மருந்தாய் தந்து நலமாக்கும்  பழைய உலகின் அறிவியல்சாரா மருத்துவத்தை தடை செய்வோம் தடை செய்வோம்!" 

என பிழைப்பு வேண்டி கூச்சலிடுகிறது, பண பலம் கொண்டு தடைபோடுகிறது.

இயற்கை வேளாண்மை ஒதுக்கிய உரக்கலவை, பூச்சுக்கொல்லி, களைக்கொல்லி, இன்னபிற நச்சுக்கலவைகளை பெரும் லாபத்தில் விற்று வாழ்ந்த பெருவணிகம் இவற்றின் மூலக்கூறுகளை நவீன மருத்துவத்தின் மூலக்கூறுகளாய் மறுசுழற்சி செய்கிறது!

செயற்கையாய் நோய் பெருக்குகிறது, புதிய மருந்துகள் 'கண்டு பிடி'க்கிறது, பழைய மருந்துகளையும் புதிய நோய் தீர்க்க பரிந்துரைக்கிறது...

இப்போது புரிகிறதா அதற்கு ஏன் முன்னது ஆகும்.பின்னது ஆகாது என?!

பெருந்தொற்றும் பேரிடர்களும் வந்து வந்து போகும், கலங்காதிருப்போம்! மாறாத உண்மை தேடி பசித்திருப்போம், விழித்திருப்போம், தனித்திருப்போம், பிழைத்திருப்போம்... அருள் கிட்டும்!