எந்தையர் தின வாழ்த்துக்கள்!

Wherever you go, I shall be there...

தந்தையர்_தினம் to சந்தையர், தினம்!

தந்தை என்பதன் முழு புரிதல் நாமும் தந்தையாகும்போது, கிட்டாது! ஏனெனில் அப்போதும் நம் தந்தை தந்தையாகவே இருப்பார்!

அம்மாவின் சிறிய உலகிலிருந்து பேருலகத்திற்கு நம்மை முதலில் மாரிலும் தோளிலும் சுமந்து, நலம் காத்து, மனம் காத்து, நமக்கு இறகு தந்து, தவழ, நடக்க, தாவ, பறக்க கற்றுத்தந்து, நம் ஒவ்வொரு முன்னேற்றத்திலும் விசுவரூப மகிழ்வு கண்டு, பின்னடைவுகளில் தாங்கும் தூணாய், தூங்கையில் விசிறியாய் என பல பரிமாணங்கள் 'காட்டாமலே' காட்டி, இறகு விரித்து துணையுடன் பறக்கையில் சோடிப்பறவை நலமாய் வாழ்வு நகர்த்த வேண்டுதல் செய்து, பேரக்குஞ்சுகளில் தன் மகன் / மகள் நீட்சி கண்டு நெகிழ்ந்து, உடல ஒத்துழைக்கும்வரை அவர்களையும் மாரிலும் தோளிலும் சுமந்து, பின்னர் மனதில் மட்டுமேனும் சுமந்து,  பின்னாளில் தான் மறைந்தபின் தனது குண / புண்ணிய கவசங்களை நமக்கு அரணாய் நிறுத்தி... 

முற்றுப்புள்ளியில் அடைக்கக்கூடிய வாழ்வா இது?

தன் கூடு சுயமாய், தன் வானம் வேறு என எல்லை நீங்கி பறந்த மகனோ / மகளோ உலகில் எந்த மூலையிலோ ஏதாவது ஒரு சூழலில் நெகிழ்ந்து 'அப்பா' என மனம் கேவும் தருணத்திலும் சூட்சும உலகிலிருந்து அவரது கரம் நீளும்...

நல்ல தந்தை பிள்ளையின் தவம்.

நல்ல பிள்ளை தந்தையின் வரம்.

HUF எனப்படும் கூட்டுக்குடும்பம் (Hindu Undivided Family) சுருங்கி 

WOK எனப்படும் 'நானும் என் குடும்பமும்' (We and Our Kids) என்றாகி

DISK எனப்படும் 'இரு சம்பளம் - ஒற்றைக்குழந்தை குடும்பமாய்' குறைந்து 

(Double Income Single Kid)

DINK எனப்படும் 'இரு சம்பளம் - குழந்தை... அப்பறமா பாத்துக்கலாம்' என நலிந்து (Double Income No Kids) 

இன்று 'தந்தையாவதே தேவையா, சந்தையில் நமக்கு மதிப்புள்ளவரை விடிய விடிய கொண்டாடுவோம்' என நொதித்துப்போன வாழ்வியலில் இன்றைய தந்தைகள் கூட சந்தைப்பொருட்களை வாங்கித்தரும் கருவிகளாக மட்டுமே நம் குழந்தைகளுக்கான பயன்பாடாக நம்மை நாமே சுருக்கிக்கொண்டு, நம் தேவையற்ற ஆசை இலக்குகள் நோக்கிய இடையறா ஓட்டத்தில் குழந்தைகளுடன் 'செலவழிக்க' நேரமின்றி...

அனைவர்க்கும் தந்தையர் தின வாழ்த்துக்கள்!