வரமா? சாபமா?

இந்த அரசு என்ன வாக்குறுதிகள் அளித்தது? என்ன செய்தது? என, அக்கட்சி அனுதாபி, அக்கட்சியை மிக விரும்பும் ஒருவர், அமெரிக்காவில் வேலை செய்யும் இந்தியர், ஒரு Facebook குழுவில் பதிவிட்டிருந்தார். 

அப்பதிவின் சாரம்,  'ஒரு சராசரி மனதின் வலி மிகுந்த குரல்... காங்கிரசை விரும்பாத ஒரே காரணத்தால் பிஜேபியை இன்றும் ஆதரிக்க வேண்டியிருக்கிறது' என்பது. இது அநேகரின் நிலைப்பாடும்கூட.

அவரை கிழித்துக்கந்தலாக்கும் பின்னூட்டங்கள் இன்னும் நின்றபாடில்லை; அதுவும் நன்கு கற்றறிந்தோர் நிறைந்த அக்குழுவில்!

ஐந்தாண்டுகளில் வானத்தை வில்லாய் வளைப்பேன் என்று வாக்கு தருபவரை, அதற்கு முன்னர் நீண்டு இருந்த முறைகேடுகளை நிகழ்த்திய அரசுகளை பார்த்தபின்னும், வலி உணர்ந்தபின்னும் ஏன் ஒரு மனிதரை / கட்சியை புகழ்ந்து / இகழ்ந்து கூவித்திரிகிறோம்?

நமக்கு வேண்டியவை அடிப்படை உணவுப்பாதுகாப்பு,  நீர்நிலை மற்றும் இயற்கை வள பாதுகாப்பு, தலைக்கு மேல் கூரை, உடல் நலம்.

இவற்றை மையப்படுத்தி அரசியல், ஆட்சி நடத்தாத எவரையும் புறக்கணித்தால் மட்டுமே performance based ஆட்சியை நாம் கேட்டுப்பெறமுடியும்.

சற்றே சிந்திப்போம். அரசுகளி்ன் அடிப்படைக்கடமை மக்களுக்கு தூய காற்று, நீர், நிலம், இருப்பிடம், உணவு, உடல்நலம் பேணுதல். இவற்றை செய்த பிறகு செவ்வாயில் குடியேறினாலும. தவறில்லை.

இந்தியா நிலத்தொலைபேசி இணைப்பில் (land line telephone connection) மிகவும் பின்தங்கினாலும் மொபைல் நெட்வொர்க் தொழில்நுட்பத்திற்கு நேரடியாக தாவ முடிந்ததால் லாபம் எவ்வளவு என்று யாருக்காவது தெரியுமா? (Cost otherwise would have been spent setting up wired connection all over the country and then replacing them with new cost of setting up mobile network).

புத்திபூர்வமாய்  அணுகவேண்டியதை உணர்வுபூர்வமாயும்,

உணர்வுபூர்வமாய் அணுகவேண்டியதை புத்தி கொண்டு ஆய்வதும்...

சாபமா? வரமா?!



பின்குறிப்பு:

படித்த இந்தியர்களின் நலனை அவர்கள் குடியேறிய அந்நிய நாடுகள் கவனித்துக்கொள்ள, அந்நாடுகளின் நுகர்வுத்தேவைகளை நம் இயற்கையை அள்ளித்தந்து கடமையாய் நிறைவேற்றும் பணியில், பசித்த இந்தியர்கள்...நாம்.