One of the greatest ever love stories, life stories...
ஐரோப்பாவில், ஓடும் ரயிலில் ஒரு அமெரிக்க இளைஞனும் ஒரு பிரெஞ்சு இளைஞியும் வெவ்வேறு இருக்கைகளில்.
ஒரு மத்திம வயது தம்பதியின் ஒவ்வாமை (incompatibility) கோபம், உடைந்த உரையாடலில் ஆரம்பித்து சுற்றியிருப்போரின் எண்ணங்களில் பொங்கி வழியுமளவு பெரிதாகவும், இளையவர் இருவரும் இடம் மாறி எதிர் எதிரில் அமர்கின்றனர். அறிமுகம் செய்து கொண்டு பேச ஆரம்பிக்கிறார்கள். பேசுகிறார்கள், பேசுகிறார்கள், பேசிக்கொண்டே இருக்கிறார்கள், இன்று கூட, இப்படம் பார்த்தவர்கள் மனதில்!
எந்த டாபிக் என்று இல்லாமல் சகலமும் போலித்தனமின்றி, பொய்யின்றி பேசிக்கொள்ளும் அளவு வேவ் லென்ந்த் செட் ஆகிப்போகிறது.
ரயில் வியன்னாவில் (ஆஸ்திரியாவின் தலைநகரம்) நிற்கிறது. அந்த இளைஞன் இறங்கவேண்டிய இடம் அது. அவளிடம் விடைபெற்று இறங்குகையில் ஒரு உந்துதலில் மீண்டும் ரயிலேறி ஒரு வேண்டுகோள் வைக்கிறான், 'இன்று ஒரு நாள் இரவு மட்டும் நான் வியன்னாவில் கழிக்கவேண்டியிருக்கிறது. காலையில் அமெரிக்காவுக்கு விமானம். இன்று இராத்தங்க ஏற்பாடுகள் எதுவும் செய்யவில்லை. நகரை நடந்து சுற்றியே இரவைக்கழிக்க உள்ளேன். என்னோடு இறங்கி ஊர்சுற்ற வருகிறாயா?'.
அவள் யோசிப்பதைக்கண்டு மேலும் கூறுகிறான், 'இருபது ஆண்டுகள் கழித்து, இந்த ரயில் தம்பதியினர் போன்று சகிப்பின்றி சண்டையிடும் வாழ்க்கை அமைந்து, அடடா, அன்று அவன் வியன்னா சுற்றிப்பார்க்க அழைத்தபோது இறங்கியிருந்தால் வாழ்வு வேறுமாதி்ரி ஆகியிருக்குமோ? என்ற வருத்தத்துடன் வாழப்போகிறாயா, இப்போது இறங்கப்போகிறாயா?'
அவள் யோசிப்பதைக்கண்டு மேலும் கூறுகிறான், 'இருபது ஆண்டுகள் கழித்து, இந்த ரயில் தம்பதியினர் போன்று சகிப்பின்றி சண்டையிடும் வாழ்க்கை அமைந்து, அடடா, அன்று அவன் வியன்னா சுற்றிப்பார்க்க அழைத்தபோது இறங்கியிருந்தால் வாழ்வு வேறுமாதி்ரி ஆகியிருக்குமோ? என்ற வருத்தத்துடன் வாழப்போகிறாயா, இப்போது இறங்கப்போகிறாயா?'
அழைப்பின், வாதத்தின், அவனின் நேர்மையால் ஈர்க்கப்பட்டு இறங்குகிறாள்.
இருவரும் நடக்க ஆரம்பிக்கின்றனர், உரையாடலை தொடர்ந்தவண்ணம்.
நாமும் அவர்களோடு இறங்கி, அவர்களுடனே பயணிக்கிறோம், ஐகானிக் வியன்னாவின் தெருக்களில். மாலை, முன்னிரவு, இரவு, பின்னிரவு, அதிகாலை என நீளும் இந்த யாத்திரையில் இருவருக்கும் இடையில் நிகழும் புரிந்துணர்வு மேஜிக், அவர்கள் சந்திக்கும் நபர்கள், உரையாடல் தளம், கனம்... and the joyful lightness they bring on the viewers!
அவர்கள் உரையாடலின் மையக்கரு 'காதலாகிக்கசிந்துருகி திருமணம் செய்து வாழ்ந்து நொந்து ஒருவரை ஒருவர் சகிக்க இயலாத அளவு முற்றுவதுதான் காதலா?'
அமெரிக்கனான அவன் தன் உள்ளூர் காதலியுடன் ஐரோப்பிய ட்ரிப்பில் ரிரேஷன்ஷிப் ப்ரேக் ஆகி, புக் செய்திருந்த ப்ளைட் டிக்கட்படி ஊர் திரும்ப உள்ள இடைவெளியை இலக்கற்ற பயணத்தில் கழித்துக்கொண்டிருப்பதை அறிகிறாள்.
நம் வாழ்வு என்பது சினிமாவில் வருவது போல் ஒரு ஓபனிங், ஒரு பில்டப், சில பல ட்விஸ்ட், ஒரு க்ளைமேக்ஸ் என script பண்ணி பயணிப்பதில்லை. வாழ்வில் அன்றாடம் நிகழும் சிறு சிறு அற்புதங்களில்தான் வாழ்வும் உறவும் முகிழ்த்து, தழைக்கும் என்பதற்கு க்ளாசிக் உதாரணம் இப்படம்.
இவர்களின் நகர் உலாவில் எதிர்படும் நபர்கள், ரெஸ்டாரென்ட்ஸ், குறிசொல்லும் பாட்டி, காசுக்கு எந்த வார்த்தையையும் கருத்துள்ள கவிதையாக மாற்றும் நதிக்கரை மனிதன், பெயரற்றவர்களின் கல்லறை, பின்னிரவில் இந்தக்கல்லறை அருகே இவர்களின் உரையாடல், கூடல்... அந்தி மற்றும் உதய நேர வியன்னாவின் கல்வேய்ந்த பழைய சந்துகள் என...
'Remember, We are all Star Dust'! - என்ன ஒரு க்ளாசிக் டயலாக்...
எதை எழுத? எதை விட?
காலையில் விடைபெறும் நேரத்தில், அவளை ரயிலேற்றிவிட்டு இறங்குமுன், உச்ச காதல் மற்றும் தாங்க முடியாத பிரிவுத்துயர உந்துதலில், 'காதல் வாழ்வு தினசரித்தகராறுதான் என்று நாம் பேசியதையெல்லாம் மறந்திடலாம். நாம ஆறு மாசம் கழிச்சி இதே ஸ்டேசன்ல மீட் பண்ணலாமா? நம் காதல் நிஜமென்றால் அதுவரை நோ லெட்டர்ஸ், நோ டெலிபோன் கால்ஸ், ஓகே?' என இருவரும் முடிவு செய்து, இரயில் நகர, நாமும் அவர்களிடமிருந்து அந்த ரயிலடியில் இருந்து கலவையான நெகிழ்ச்சியோடு பிரியாவிடை பெற்றதுபோன்ற உணர்வுடன் படம் முடிகிறது.
Intimate என்பதற்கு இதைவிட மேன்மையான திரைப்படம் ஒன்றை இனம்காண்பது... வாய்ப்பே இல்லை!
Youthful exuberance, abundant optimism, child like enthusiasm, curiosity, Honesty... நேர்மை... உன்னதமான லெவலுக்கு படமாக்கியவர் இயக்குநர் ரிச்சர்ட். லிங்க்லேட்டர். Steven Spielberg, James Cameron, Christopher Nolen அறிந்து வியப்பவர்க்கு ஒரு செய்தி: அவர்கள் நம் கற்பனைபளையும், பயங்களையும் பிரம்மாண்டப்படுத்துபவர்கள். இவரோ நம் வாழ்வின் இயல்பான நிமிடங்களை, வாழ்தலை பிரம்மாண்டமாய் கொண்டாடுபவர். இந்த நூறாண்டின் தலைசிறந்த இயக்குநர்களில் தனி்த்து மிளிர்பவர்.
Ethan Hawke and July Delpy - சான்சே இல்லங்க என்பதாக fantastic performance. இன்று வரை, மோகமுள்ளில் பாபுவும் யமுனாவும் நிசம் என்று நம்பும் மக்கள் போல இவர்களது characters இரண்டும் இன்றும் வாழ்ந்துகொண்டிருக்கிறார்கள் என்று சூடம் ஏற்றி சத்தியம் செய்யும் கூட்டம் உலகெங்கும் நிறைந்துள்ளது!
கல்ட் க்ளாசிக் என்பதற்கு முற்றும் பொருந்தும் இப்படம் சென்ற நூறாண்டுகளில் மிகச்சிறந்த பட வரிசையில் முதல் பத்து இடங்களுக்குள், படம் வந்த நாளிலிருந்து இந்த நாள் வரை.
Please watch this movie but don't google to find out what happened then. அவர்களுக்குள் பறிமாறிக்கொண்ட ப்ராமிஸ் என்ன ஆச்சி? ஆறுமாதம் கழித்து சந்தித்தார்களா? என்ற கேள்விகளுக்கு விடை அறிய நம் உலகம் பத்து வருடங்கள் காத்திருந்தது! அதை அறிய அடுத்த பதிவு வரை நீங்கள் காத்திருங்களேன்! காத்திருத்தலும் சுகமே!
கருத்துகள்
கருத்துரையிடுக