பத்து பதினஞ்சு வருசத்துக்கு முன்னாடி ஒரு தமிழ்ப்படத்தில் ஒரு satire காமெடிசீன்:
ஒரு வான்னாபி (wannabe) அரசியல்வாதி தன் குடும்ப அருமை பெருமைகளை குப்பத்து ஆடியன்ஸுக்கு சொல்ல ஒரு இலங்கைத்தமிழப்புலவரை அழைத்துவருகிறார். .
புலவர் பேச ஆரம்பிக்கிறார்: 'அனைவரும் கரகோஷங்களை எழுப்புங்கள்'.
புலவர் பேச ஆரம்பிக்கிறார்: 'அனைவரும் கரகோஷங்களை எழுப்புங்கள்'.
ஆடியன்ஸ் அம்புட்டுப்பேரும் அடிச்சிப்பிடிச்சி எந்திறிக்கிறாங்க. கூட்டம் கலையப்போகுதேனு சில அல்லக்கைகள் அவர்களை 'ஏய் குந்துபா, குந்துபா' எனத்தடுக்க
குடிமகன் 1: 'அவர்தான் கட்வுள் வாள்த்து பாடச்சொல்லிகிறாரே அதான் எந்திரிச்சம்'
குடிமகள் இரண்டு : 'எதுமே பிரிலைபா தமிள்ள பேசச்சொல்லுபா'!
குழம்பிப்போன புலவர்: 'என்ன கதைக்கிறார்கள்?'
குடிமகன்கள் கும்பலாக:'அடிங்க! ஏய் யாரப்பாத்து கலாய்க்றான்ற????'
இன்னொரு குடிமகன்:'சார், நீ இன்னா சொல்றனு ஜனங்ளுக்கு பிரில சார். நீ பேசு சார், நா வோணா ட்ரான்ஸ்பர் பண்றன்'
புலவர்:'சென்னைவாழ் மக்களுக்கு அன்பான வணங்கங்கள்'
ட்ரான்ஸ்லேட்டர் வாலண்டியர்: 'மெட்ராஸ்ல வாள்ற மக்களுக்கு வணக்கங்றன்'
புலவர்:'உங்களை சந்திப்பதில் பெருமகிழ்ச்சியடைகிறேன்'
ட்ரான்:'நம்மள மீட் பண்றது குஜாலா கீதுங்றான்'
புலவர்:'நான் சென்னைக்கு பலமுறை வருவது மனசுக்கு சந்தோஷமா இருக்கிறது'.
ட்ரான்: 'நான் மெட்ராஸ்க்கு தபா தபா வர்றது இன்ட்ரஸ்டா கீதுங்கறான்'
புலவர்:'நான் எதற்காகவே வருகிறேனென்றால்'
ட்ரான்:'நான் எதுக்கோஸ்ரம் மெட்ராஸ்க்கு வந்துறுக்கறன்னா'
புலவர்:'கந்தசாமிக்காக'
ட்ரான்:'கந்தசாமிக்கோஸ்ரம்'
புலவர்:'கந்தசாமி ஒரு நல்ல மனிதர்'
ட்ரான்:'கந்தசாமி ஒரு சோக்காளி'
புலவர்:'அவர் வலிமையானவர்'
ட்ரான்:'சீக்காளி இல்ல!'
புலவர்:'அவர் இதயம் ஒரு தங்கம்'
ட்ரான்:'ட்வென்டி பைவ் கேரட் கோல்டு'
புலவர்:'அதுமட்டுமல்ல'
ட்ரான்:'அதுக்காண்டியிமுல்ல'
புலவர்:'உங்களுக்கும்'
ட்ரான்:'உன்னாண்டியும்'
புலவர்:'எங்களுக்கும்'
ட்ரான்:'என்னாண்டியும்'
புலவர்:'ஒரு நல் உறவு வேண்டும்'
ட்ரான்:'ஒரு ப்ரென்ட்ஷிப் வோணும்'
புலவர்:'அதுமட்டுமல்ல'
ட்ரான்:'அதுக்காண்டியுமில்ல'
புலவர்:'காந்தி சொன்னதுபோல்'
ட்ரான்:'காந்தி சொன்னாமேரி'
பு:'காமராசர் சொன்னதுபோல்'
ட்:'காம்ராஜர் சொன்னாமேரி'
பு:'உடல் மண்ணுக்கு'
ட்:'ஆங்!'
பு:'உயிர் தமிழுக்கு'
ட்:'ஆங்...பாடி மண்ணுக்கு ஐட்டம் நாய்க்கருக்கு (i.e. for txlator himself, thinking உயிர் is wine!!!)
பு:'அதுமட்டுமல்ல'
ட்:'அது ஒண்டியில்ல'
பு:'நீங்கள் மட்டும்'
ட்:'நீங்க ஒண்டி'
பு:'வாழ்க்கையில் வெற்றிபெறவேண்டுமானால்'
ட்:'லைப்ல கெலிக்கனுன்னா'
பு:'அமைதியாக இருங்கள்'
ட்:'கம்முனு இர்கணும்'
பு:'யார்மீதும் கோபம் கொள்ளவேண்டாம்'
ட்:'யார்ட்டியம் காண்டாவ வோணாம்'
பு:'தெளிவாக இருக்கவேண்டும்'
ட்:'உஷாரா இர்கணும்'
பு:'விழிப்புடன் இருக்கவேண்டும்'
ட்:'வாட்சிங்கா இர்கணும்!'
பு:'பாரதி என்ன சொன்னார்?!'
ட்:'பாரதி ஊர் இன்னாபா?! யார்பா அது பார்தி?'
பு:'சொல்கிறேன் சகோதரா'
ட்:'சொல்றன் ப்ரதர்'
பு: 'அச்சமில்லை, அச்சமில்லை, அச்சமென்பதில்லையே'
ட்:'மெர்சலில்லை மெர்சலில்லை மெர்சலென்பதில்லையே'
பு:'உச்சிமீது வானிடிந்து வீழுகின்றபோதிலும்'
ட்:'சார் இன்னுருதபா சொல்லு சார்'
பு:'உச்சிமீது வானிடிந்து வீழுகின்றபோதிலும்'
ட்:'சார் யார்க்கும் புரியாது கட் பண்ணு சார்'!!!
பாரதியை இன்றைய தலைமுறைக்கு கொண்டுசெல்ல இவ்வளவு முயற்சி வேண்டாம். எளிமைப்படுத்தினாலே போதும். நாலாம் தமிழும் காதலாகி கசிந்துருகும்.
உதாரணம்:
'வானமே இடிஞ்சி விழுந்தாலும், மொத்த உலகமும் எதிர்த்தாலும், பயமா? எனக்கா!'
பிறந்தநாள் மட்டும் கொண்டாடி பின் மறந்துவிடாமல் தமிழ் மூதறிஞர்கள் முயன்றால் தமிழ் வாழும், பாரதியும் வாழ்வான்.
கருத்துகள்
கருத்துரையிடுக