இத்தாலியில் ஒரு சிறு தீவு. ஒரு மீனவன், தலைமுறையாய் மீனவனாய் இருப்பதன் துயரம் உணர்ந்தவன். வேறு வேலைக்காக ஏங்குபவன், சிறிது கம்யூனிச ஆர்வலன்.
உலகம் புகழும் ஒரு கவிஞர், பாப்லோ நெரூடா. சொந்த நாட்டில் அவரது அரசுக்கெதிரான நிலைப்பாட்டினால் நாடுகடத்தப்பட்டு இந்த இத்தாலிய சிறு தீவில் சில மாதங்கள் தங்க வருகிறார்.
இருவரையும் பிணைக்கிறது கவிஞரின் ரசிகர் கடிதங்கள். கூடை கூடையாக வரும் கடிதங்களை அவரிடம் கொண்டு சேர்க்க தபால் ஆபீசுக்கு ஆள் தேவைப்பட்டு நம் மீனவர் தற்காலிக தபால்காரர் ஆகிறார்.
ஏராளமான கடிதங்களை வாரத்தில் பலமுறை சைக்கிளில் கடல்மணல் சாலைகளில் சென்று சேர்க்கிறார்.
கவிஞருடன் சிற்றுரையாடல் நீள்கிறது. தபால்காரருக்கு கவிதைத்தீ பற்றிக்கொள்கிறது. கவிஞரின் கவிதையை தனதாய் பாவித்து காதலில் வென்று கணவனாகிறார். குழந்தை பிறப்பதற்கு முன்பே நெரூடா தாயகம் மகிழ்வுடன் திரும்புகிறார்.
சென்று நெடுநாட்களுக்கு பிறகு நெரூடாவின் உடைமைகளை pack செய்து அனுப்பச்சொல்லி நெரூடா office இலிருந்து கடிதம், தபால்கார ரைப்பற்றிய விசாரிப்பு எதுவும் இன்றி.
Pack செய்கையில் நெரூடாவின் டேப் ரெகார்டர் அவர் கண்ணில் பட, பரவசமாய் எடுத்து பயன்படுத்த தொடங்குகிறார். தபால் வேலை நெரூடாவோடு போச்சி. மீனவ வாழ்வில் விருப்பமின்றி அந்தத்தீவின் ஒலி அனைத்தையும் ஒரு கேசட்டில் பதிவு செய்து அதன் இறுதிப்பதிவாக தன் குழந்தையின் இதயத்துடிப்பை பதிகிறார்.
இடையில் கிடைக்கும் நேரத்தில் சொந்தமாய் கவிதை எழுதுகிறார். ஒரு கம்யூனிஸ கூட்டத்தில் தனது கவிதையை படித்துக்காட்டுகையில் சட்ட ஒழுங்கினால் கூட்டம் கலைக்க, நகழ்ந்த கலவரத்தில் குண்டடி பட்டு மரிக்கிறார்.
பின்னாளில் பாப்லோ நெரூடா அத்தீவுக்கு வருகிறார். தபால்காரரின் மனைவி, மகனை சத்திக்கிறார். அப்போது மனைவி அந்த கேசட்டை நெரூடாவிடம் தருகிறார். பாதி screen இல் நெரூடா தீவின் கடற்கரையில் நடக்க மறு பாதி screen இல் தபால்காரர் கொல்லப்பட்ட கம்யூனிஸ கூட்டம் அப்போதுதான் கூடத்தொடங்குகிறது.
இந்தப்படம் என்ன சொல்கிறதென்றால்...வேண்டாம், விட்டுடலாம். நெட்டில நிறையவே கொட்டிக்கிடக்கு.
இந்தப்படம் ஒரு 'காணனுபவம்'! படம் பார்க்கும் நேரம் முழுதும் ஒரு இத்தாலியத்தீவின் மீனவ வலையில் விரும்பி சிக்குண்டதுபோல மாய அனுபவம்! அதற்காகவே பார்க்கலாம். கூடவே நெரூடாவின் கவிதைகள், கவிதைகள்!- கண் திறந்து கனவில் திளைக்கவைக்கும்.
Sample this:
And now you’re mine
---------------------------------
Now, you are mine. Rest with your dream inside my dream.
Love, pain, and work, must sleep now.
Night revolves on invisible wheels
and joined to me you are pure as sleeping amber.
No one else will sleep with my dream, love.
You will go; we will go joined by the waters of time.
No other one will travel the shadows with me,
only you, ever green, ever sun, ever moon.
Already your hands have opened their delicate fists
and let fall, without direction, their gentle signs,
your eyes enclosing themselves like two grey wings,
while I follow the waters you bring that take me onwards:
night, Earth, winds weave their fate, and already,
not only am I not without you, I alone am your dream.
சென்ற நூற்றாண்டின் மிகச்சிறந்த படங்களில் ஒன்று, மிகச்சிறந்த காதல் படங்களிலும் ஒன்று!
கதையின் நாயகனுக்கு, நம் தபால் காரருக்கு, இப்படம் அவரது வாழ்நாள் கனவு. இருபது வயதில் படித்த கதையை திரைப்படமாக்க இன்னும் இருபது ஆண்டுகள் முயற்சித்து, பழுதான இதயத்துடன் (postponed his heart transplant operation just to complete this film) ஒரு நாளில் ஒரு மணி நேரம் மட்டுமே நடிக்க இயலும், அதிலும் மிக சிரமத்துடனே என்ற நிலையில் கனவு மெய்ப்படவும் உயிரைத்துச்சமாக மதித்து படத்தில் நடித்து முடித்த மறுநாளில் மாரடைப்பால் மாண்டுபோன ஒரு பெருங்கலைஞன், மாஸிமோ ட்ரோய்சி. படம் பார்த்து முடித்தபின் மறுமுறை பாருங்கள், படத்தில் இவரது கைகளை மட்டும், கைகளுக்காக மட்டும்!
கருத்துகள்
கருத்துரையிடுக