நாலாம் தமிழ் - 3

மொழியின் உன்னதம் அறிய இலக்கணம் தேவையா?

பழத்தின் சுவை அறிய தாவரவியல் அறிவு தேவையா?!

அவ்வையைச்'சுட்ட' பழம் வேறு எந்த மொழியிலாவது உண்டா?!

மற்ற மொழிகளைத்தழுவும் நம் ஆர்வம் தமிழ்மீது குறைய நாமே காரணம்...

தாய்மொழியின் சுவையறியாதவர் வேற்று மொழியின் சுவை தேடி ஓட முதற்காரணம், அறியாத வயதில் நம் பள்ளி வகுப்பில் நடமாடும் கடுந்தமிழும், அதற்கு மாற்றாய், புது மொழியாய் எளிமையாக்கப்பட்ட வேற்றுமொழிகளின் அணிவகுப்பும்!

கொங்குதேர் வாழ்க்கை அஞ்சிறைத்தும்பி என தமிழ்ச்சங்கத்தலைவன் முழங்கிய கடுந்தமிழ்ப்பாட்டுக்கு விளக்கமும் கடுந்தமிழில் கற்பவர் ஒருபுறம், மிக எளிமைப்படுத்தப்பட்ட French, German மொழி கற்பவர் மறுபுறம், தேர்வு எழுதுகையில் எளிமைக்குத்தானே கூடுதல் மதிப்பெண் கிடைக்க வாய்ப்பு? மதிப்பெண் பின்னேதானே நம் சிறார்களை ஓடப்பழக்குகிறோம்?

I wonder how we provide distorted playing fields for kids and expect them to choose the toughest of these fields in the name of 'love of the tamil language'?

சேலை உடுத்தியவரை காண்பது அழகு. சேலை உடுத்துவது கடினம் என்பதாகத்தான் தமிழ் கற்பிக்கப்படுகிறது இங்கே. சேலையோடு போட்டியிடும் அந்நிய மொழிகள் எளிமையாய் 'கவுன்' வடிவில்!

பழகு தமிழ் கற்க ஆழ்ந்த இலக்கணம் அவசியமே இல்லை. மற்ற மொழிகள் போல் தமிழிலும், எளிய தமிழ் (பள்ளிப்பருவத்தமிழ்) மற்றும் கடிய தமிழ் (கல்லூரித்தமிழ்) எனப்பிரித்து, பள்ளிகளில் முதலில் தமிழின் சுவையை மட்டுமாவது உணரச்செய்வோமா? 

சுவைக்க - 1

மரணப்படுக்கையில் தமிழ்ப்புலவர்.

பாலை துணியில் நனைத்து அவர் உதட்டில் பிழிகிறது உறவு. சுவைத்த புலவரின் முகம் கோணுகிறது. கவனித்த உறவு பரிவுடன் கேட்கிறது, 'பால் கசக்கிறதா?'

பதில் தருகிறார் புலவர், 'பாலும் கசக்கவில்லை. பால் பிழிந்த துணியும் கசக்கவில்லை'!  

தேவநேயப்பாவாணரை தெரியுமா?!

(கசக்கவில்லை has two meanings - not bitter, கசக்கவில்லை - not washed!)

சுவைக்க - 2

தமிழ் வாத்தியார், பேப்பர் படிச்சிகிட்டிருக்கார். வாசல்ல பால்காரன் சொம்பில் பால் ஊத்திட்டு நங்குணு வச்சிட்டுப்போறான். சொம்பு ஆடுற சத்தம் கேட்டு பையனை ஏவுறாரு; 'கண்ணா பால் ஆடுதுடா!'.

இன்னொரு ரூம்லேர்ந்து பையன் சொல்றான், 'இல்லப்பா, மாடுதுப்பா'!!!!
(Not goat's milk Pa, it is cow's!)

சுவை, சொட்டும் சுவை!

நாவல், அவ்வைக்கு தமிழ் உரைத்த பழம்...கரு நாவல், நாகப்பழம், ஜாமூன் பழம், நவ்வாப்பளம்...எந்தப்பெயரில் நீங்கள் சுவைத்தாலும் சுவை ஒன்றுதானே!