May this joyous occasion bring You closer, safer and happier than before with all other lives around You :-)
நல்லதொரு சிந்தனையை இந்த நாளில் விதைக்கிறேன் இங்கு!
நம் 'மகா' பாரதத்தின் ஆரம்பப்புள்ளி் எது?
இந்திரப்பிரஸ்த மாளிகையின் மாயப்பொய்கையை உண்மையென நினைத்து துரியோதனன் தன் ஆடையை சுருட்டி கால் பதித்ததை கண்டு பாஞ்சாலை சிரித்ததால்தான் பின்னாளில் போர் மூண்டது என ஒரு புரிதல்.
மண்ணுக்காக பெண்ணை இழந்து அந்த அவமானத்தால்தான் போர் என இன்னொரு புரிதல்.
தமக்கைக்கு கண்ணற்றவனுடன் விருப்பமில்லா திருமணம் ஆனதற்கு பழிவாங்க தமையன் பகடை உருட்டி வரவழைத்த போர் என்று ஒரு புரிதல்.
செஞ்சோற்றுக்கடன் தீர்க்க கர்ணன் சேராத இடம் சேர்ந்ததால் என ஒரு புரிதல்.
குந்தியின் தவறை கர்ணன் இருக்கும்போதே அவள் உலகிற்கு அறிவித்திருந்தால் யுத்தமே நிகழ்ந்திருக்காது என ஒரு புரிதல்.
மாயக்கண்ணன் நமக்கு ஒரு வாழ்வியல் சேதி சொல்லவே அவரவர் அவ்விதம் என ஒரு புரிதல்.
எழுத்தாளர் சோ தன் மகாபாரதம் பேசுகிறது நூலில் தெளிவாய் சொன்னதை இன்றுவரை வேறு யாரும் அடிக்கோடு இட்டு காட்டவில்லை;
'ஒன்றின் விளைவாக இன்னொன்று. அதன் விளைவாக இன்னொன்று என மனித நகர்வில்தான் மகாபாரதம் என்கிற சங்கிலித்தொடர் நிகழ்வுகள் நிகழ்ந்த'தாக எழுதுகிறார்.
தீபாவளி கூட்டத்தில் ஒரு உணவகத்தில் என்னருகே ஒரு டேபிளில் ஒரு ஐயப்ப பக்தர், காலணியின்றி. எதிர்புறம் ஒரு காலனியவாதி, பிரிட்டிஷ்காரர், காலில் ஷூக்களுடன். இருவரும் அவரவர் தட்டில் ரோஸ்ட், சாம்பாரில் குழைத்து.
நட்பான புன்னகை, விசாரிப்பு, 'Your attire, I see many wearing similar stuff; religious?' என காலனி கேட்க,
"யு நோ? லார்ட் ஐயப்பா, கன்னி காட்? நோ வுமன், வெரி பவர்ஃபுல். 48 டேய்ஸ் ப்ரேயர், நோ அவுட்சைட் ஃபுட். தென் வி வாக். எய்ட்டீன் ஸ்டெப்ஸ் அபோவ், லார்ட் சிட்ஸ் ஆன் எ டைகர்' என குத்து மதிப்பாய் காலணியற்ற பக்தர் பதில் சொல்ல
" Wow! Great belief! All the best" என காலனி மகிழ,
இருவரும் அவரவர் பில்லை செட்டில் செய்து தத்தம் பயணம் தொடர்ந்தனர்.
இதுவே 'மகா' பாரதம்! The greatest cauldron of civilization and compassion.
இந்த அகண்ட பாரதத்தில் அனைத்துயிரும் இன்பமுற வாழ்ந்துதான் பார்ப்போமே! நல்லதொரு நிகழ்வை நாம் துவக்கி, அது மிக நல்லதொரு சங்கிலித்தொடராக நம்மிடம் இருந்து நீளட்டுமே. உலகனைத்தையும் பிணைக்கட்டுமே!
தன்னலம் சார்ந்த குறுகிய கண்ணோட்டங்களும், சட்டங்களும் இந்தப்பேராற்றில் உருளும் சிறு கற்கள். அவ்வளவே!
I am the change - I like it
பதிலளிநீக்குThank you!
பதிலளிநீக்கு